【世紀貪案開審第64日】
【本報訊】前政務司司長許仕仁昨為涉嫌貪污案自辯時，大爆03年前特首董建華下台後不久，時任政務司司長曾蔭權致電他，親口證實中央欽點他接替做特首。他原先認為「中央唔會用一個港英政府訓練出嚟嘅人做香港特首」，因此覺得很難得，但中央表明董的班子「唔准更換」。由於許知道曾蔭權想做多一屆特首，故最終答應讓曾提名做政務司司長，以幫助曾在政局不穩的形勢下順利一點。
記者：黃幗慧 蔡少玲
05年初，香港經歷沙士打擊、50萬人上街、經濟低迷的打擊後，政局不穩，政壇同時傳出時任特首董建華提早下台。許仕仁昨指，作為商人的郭炳江及郭炳聯詢問他有關董落台的傳言，「一有謠言話董先生提早落台，然後啲人有好多唔同講法」。但許當時不信謠言，向二人解釋：「中央撤換特首係好嚴重嘅事，董生（餘下）任期唔係好耐（原本任期至07年6月）。」
但至05年3月，許開始相信董落台的消息。至於有傳曾蔭權會接替董做特首，許也不大相信，「如果董生真係要落嚟，中央唔會用一個以前港英政府訓練出嚟嘅人做香港特首」。
新地薪金夠撐做兩年司長
結果3月10日，董宣佈辭職。四日後，許外遊回港，幾天後便接到曾來電，「佢話中央會委任佢做下一個特首，接替董生，但呢個委任要經過一個程序，所以關於佢接任特首嘅事情要絕對保密。佢話佢想我做政務司司長接替佢，不過我只係提名名單中其中一個，雖然佢會向中央反映，佢想選擇我做繼任人」。
許稱，在曾來電前，他沒有想過有人會叫他回政府，當時他拒絕了曾的邀請。「我立刻回應，恭喜佢啦，哈！我話已經離開政府一段時間，做私人公司顧問，點都舒服過返政府做官，同埋做顧問收入，同做政府收入距離好大。所以，最好唔好嘞。」
但曾蔭權沒放棄，繼續落力游說，「中央肯接受一個前朝高官做特首係好難得」。由於中央規定除政務司司長一職外，其他董班子「唔准更換」，故曾覺得上任特首後一段時間會好困難。鑑於當時政局不穩，加上公務員士氣低落，曾希望許能在這相當艱難時候助他一把。許當時明白曾想做多一屆，故「喺短任期入面要做到啲成績出嚟先可以」。
許與太太商量了幾天，衡量多個因素，包括財政。許稱如果新地的1,500萬元年薪顧問費計得清楚，相信足夠支持他做兩年司長。許最後覺得，「中央居然可以用曾蔭權咁樣背景嘅人做特首係難能可貴，所以應該幫佢（曾）可以順利啲，做多一屆」，故最終答應讓曾提名他做政務司司長。
案件編號：HCCC98/13