【蘇格蘭公投】
【本報訊】公投前夕，香港唯一的蘇格蘭酒吧不算熱鬧，酒櫃過百支不同品牌威士忌旁，有面小小的蘇格蘭旗，簡威廉（Will Clem）脫下帽子和記者打招呼，帽上有個印上「Yes」醒目襟章，已在香港落地生根的他，為推動獨立公投，去年暑假歸國三個月，了解國人對未來的想法。他自言從小就支持獨立，為的是更民主的制度，選出能代表蘇格蘭人聲音的首長，令蘇格蘭成為一個有尊嚴的小國。
記者：張嘉雯
簡威廉今年37歲，最愛的衣着是蘇格蘭裙，在愛丁堡大學念中國研究的他，曾在台灣當交換生，說得一口流利廣東話和普通話，對台灣人印象深刻，「佢哋會話我哋唔係中國人，我哋係台灣人，我聽到覺得好羨慕，蘇格蘭想獨立無得獨立，台灣書面上唔獨立，但有個自己嘅政府」。
大學畢業後，他輾轉在港台兩地當過記者，曾駐上海5年，去年春天退下火線，與同鄉合作推廣威士忌，公餘推動獨立運動。他認為英國政府不能代表蘇格蘭人的聲音，「我哋希望有更民主嘅制度，蘇格蘭人嘅事應該由蘇格蘭人去揀，英國嘅選舉制度腐敗，三個大黨變咗一模一樣，全部都變晒右派，蘇格蘭人本來就比較左傾，無人代表到我哋」。
兩地恩怨「一疋布咁長」
英格蘭和蘇格蘭的深仇大恨，在簡威廉身上可見一斑，他年幼時就曾因為父母是英格蘭人而受「歧視」，「細個嗰陣啲朋友知道（背景），會話『仲以為你係真（蘇格蘭人），原來唔係。』」相反其他亞裔的友人卻從未被質疑不是「本地薑」；兒時唱當地民謠《蘇格蘭之花》（Flower of Scotland），人們會加插粗言罵英格蘭人。他訴說兩地「一疋布咁長」的恩怨情仇，由英王愛德華一世如何把蘇格蘭人的「命根」「The Coronation stone（命運之石）」帶走；自1979年起忍受戴卓爾夫人管治18年，被開徵人頭稅、無數人因為工廠倒閉失業；三叉戟核潛艇置於蘇格蘭克萊德海軍基地；社會福利制度千瘡百孔等，都在蘇格蘭人內心種下鬱結。
但簡威廉說，要獨立並非建基民族主義，「就算獨立咗我哋把聲音無咁大，但至少係代表我哋嘅意思。」他心目中的蘇格蘭不會攻打伊立克和阿富汗，「會做一個唔欺負其他國家嘅國家，無錯英國嘅國際地位係高啲，係G8、G20，但係代表唔到我哋，我哋情願做個有尊嚴嘅小國，好似挪威、芬蘭咁」。
「不會欺負其他國家」
家鄉人自信提升，由過往只是內心支持，卻總覺得「唔夠力」、「唔夠錢」，到越來越多人認為獨立並非不可能，對於國人可以投票決定未來，他感到很驕傲，「獨立後，蘇格蘭應該係一個充滿希望嘅地方，我哋呢啲小人（物），茄喱啡都可以行出嚟，講自己想講嘅嘢。」
