學聯9.22罷課抗爭前夕，唔少成員陸續遇到古怪事！身為中大學生會會長嘅張秀賢噚日朝早收到一封以「香港電臺編輯部」名義發出嘅採訪邀請電郵，當中嘅「臺」字有別於香港電台正寫，而港台記者通常用電話約訪問、好少用電郵，張秀賢覺得有可疑，所以冇開啟電郵內疑似有病毒嘅壓縮檔，以免電腦被入侵。
張秀賢估計事件同下周嘅罷課有關，無非想攞機密資料，查實佢過往都不時收到類似郵件，但今次特別之處係首次有下款人！佢會同學聯成員傾吓點樣加強防範電腦被hack，但冇打算報警，因為報咗都未必有用；反而經港台報道，有助更多人提高警覺。浸大社工系噚日特別發聲明，話網上一篇以該系二年級生林健華名義發表，題為〈面對戴耀廷先生，我只想安靜的走開〉嘅文章引起熱論，但查實該系二年級冇學生叫林健華。