日本內閣官房長官菅義偉早排為香港民主發聲，原來唔止日本政府，就連日本民間都對香港遭中共打壓、港人爭取民主呢件大事好關心。
話說日本東京電視台有個叫「未來世紀」嘅節目，節目係透過現場採訪，探討同日本未來經濟有關嘅事件，下一集就係講香港爭普選同中港矛盾，電視台官方網站已預告，播放日期會係9月22日，即係喺全港大專罷課啟動日「贈興」。
據知「未來世紀」訪問咗學民成員周庭，兼且封埋佢做「學民女神」，記者話同周庭見面時，發現佢其實同普通日本女大學生冇乜分別，仲大爆周庭原來鍾意日本偶像組合「嵐」㖭！
既然紅到去東京，唔知周庭會唔會多咗好多日本粉絲？