蘇富比拍賣紅酒大家聽得多，零售賣紅酒就冇乜點聽過。原來蘇富比首間紅酒零售店早於2010年喺蘇富比紐約總部開業，喺亞洲區首間洋酒零售店噚日就喺金鐘太古廣場嘅藝術空間揭幕。喺呢度賣嘅酒，價格差距都幾大，由148元至28萬元不等，即係食飯隨便開支嘅酒到投資級別都有。
不過，蘇富比呢項新服務未必人人都有興趣。法國工商投資銀行董事總經理羅國章係紅酒收藏家，佢2010年合資以256萬元投得一批70支由1799至2003年嘅Lafite系列而聲名大噪。佢認為，蘇富比搜羅好酒嘅渠道多，又有知名度，新服務應該可以吸引初學紅酒嘅人幫襯。但佢有多年投資紅酒經驗，太熟識買靚酒嘅門路，除非蘇富比提供獨一無二嘅酒，否則就唔會因蘇富比嘅名氣而專登幫襯。
【動Live】iPhone 6搶先玩，朝9晚5全港巡迴試機
http://bit.ly/liveiphone6