【本報訊】食安中心公佈受強冠油影響的食肆商戶名單上不乏老字號餅店，其中元朗大同老餅家昨於報章刊聲明，指多年來製作月餅都是用花生油而非豬油；同屬老字號的深水埗八仙餅家，負責人張子榮表示，台灣豬油「唔夠香」，一般只用作塗在焗製蛋糕用的模具表面，令焗製後的糕餅更易從模具倒出。
中秋前轉用荷蘭豬油
張子榮承認八仙曾向合興購入強冠產的特寶精製豬油，但強調該店月餅以花生油製作，「台灣嗰啲（豬油）唔夠香，唔會用嚟做月餅」。據他所知，如要在月餅加入豬油香味，一般會將肥豬肉切碎，混入餡料咇出豬油，「一般唔會就咁倒啲豬油入去」。
張指特寶精製豬油「唔太好用」，在中秋節前已停用，轉用荷蘭豬油或馬來西亞椰油。他指，特寶精製豬油每罐賣約190元，與每罐賣約200元的荷蘭豬油價格相差不多，「唔係話貪佢便宜好多先買，點知都出事」。兩者比較，荷蘭豬油比台灣豬油的油質較重，塗於模具上糕餅更少「黐底」。張坦言事件略影響生意，「過咗中秋先出都算好啲」。
【動Live】iPhone 6搶先玩，朝9晚5全港巡迴試機
http://bit.ly/liveiphone6