9.18事變前夕，保釣行動委員會再度嘗試啟程去釣魚島，但呢次唔受政府干擾，都受颱風影響！話說保釣行動委員會一行十幾人，噚日朝早坐住「啟豐二號」，由筲箕灣避風塘到尖沙嘴公眾碼頭，主席羅堪就話呀，佢哋會先到南丫島一帶捕魚，其後先再嘗試出發去釣魚島，希望出海時唔會被水警強行截停。
其實佢哋原本係打算喺星期四、即係「918事變」當天抵達釣魚島㗎，但估唔到颱風「海鷗」突然到訪，估計最終可能要遲一兩日先至到達，但前提當然係，政府開綠燈畀佢哋出發啦，事關「啟豐二號」今年7月起已經多次尋求出航，但政府至今冇一次「放行」。