【本報訊】北區醫院急症室昨日中午突然變成槍林彈雨戰場，半百名候診病人扶老攜幼大逃亡，正當警員阿志被狂漢壓在地上搶奪其佩槍的千鈞一髮之際，警民合作成功消弭了一場災難，一名陪伴家人到北區醫院看病的好市民撲前，與警長「火龍」及三名醫護人員合力制服了搶槍狂徒。好市民的上衣事後沾滿受傷警員的鮮血，他說：「唔㩒住佢都唔知會點！」事件令北區醫院急症室服務癱瘓七小時，大批病人要緊急轉送往大埔那打素醫院及沙田威爾斯親王醫院治理。
記者：溫瑞麟 簡明恩 詹家志
槍擊案發生一刻，據知有50多名病人在急症室內候診，一名陪同愛女往急症室求醫的男子，並無如其他人般狂奔走避，他驚聞警員高呼「快啲幫手」後，赫見警員與疑人正扭作一團，二話不說即衝前協助，直至驚聞連串槍聲才「知驚」，雖無法阻止槍擊發生，但卻將傷亡減至最低。他事後上衣染血被送院檢驗，並匆匆拋下一句：「當時一定要幫手制服個犯！」
「六個人都制服唔到」
其中正在急症室候診的黃伯事後表示，他因為胃痛來求醫，當時與疑犯僅數呎之距：「佢話手銬實得滯好痛，個警察一鬆開其中一隻手，佢就即刻發圍甩隻手出嚟搶槍，差佬大叫幫手，幾個人即衝埋去，一個㩒頭，一個拉手，六個人都制服唔到佢，幾秒鐘咋！」他指自己立即與胞妹逃命，並指：「個犯對槍一定好認識！」
另外梁氏一家三口亦因4歲女兒跌傷右手來求診，當時驚聞警員高呼：「放手呀！快啲幫手！」他們最初以為有人打架，旋即聽見連串槍聲，所有人登時被嚇至雞飛狗走，情況混亂。梁太稱：「嚇到我差啲喊出嚟，連個女都唔記得就拿拿臨走！」幸丈夫慌忙抱起女兒逃離急症室：「初初以為個犯走咗，門口都唔敢企！」
「出面槍戰唔好出嚟」
原已苦候數小時的曾先生，事發時亦慌忙推走坐輪椅的父親入附近病房：「好得人驚，個犯黑黑實實好高大，五、六個人都㩒佢唔住，之後仲好淡定好滋油！」因肚痛留醫觀察病房的李小姐亦猶有餘悸稱：「好驚！開到第三槍，就好多人嗌！」她指醫護人員將大批病人推入觀察病房，高呼：「出面槍戰，唔好出嚟！」其後她亦見背部染血的熱心市民走入房暫避，當時聽見他輕輕的說：「唔㩒住佢都唔知會點！」
有市民則十分擔心留院的家人，鍾太的22歲女兒前晚因發高燒留醫觀察病房，昨晨接獲女兒電話稱發生槍擊案：「好驚，之後佢電話冇電，想拎嚿電畀佢，但醫院又話唔畀入，幫我遞入去都唔得！」
槍擊案後，北區醫院急症室即時暫停所有服務，至下午2時55分恢復部份服務，昨晚7時半才全面回復正常。消防處發言人稱，由昨晨11時40分至昨午5時，有23名緊急及3名轉院病人，需轉送大埔那打素醫院就醫，其中一人則送往沙田威爾斯親王醫院。那打素急症室一度「爆棚」，數輛救護車抵達一度無法入內。
