一，京官一錘定音，功能組別都是直選，特區配合硬推，立法會全部行「直選」，嚴懲叫價太高的民主派。
二，幫港舉報，時辰已到。新成立的舉報局上馬，局長溝融，歡迎任何舉報，包括舉報埋自己阿媽。
三，國家級黑客正式落戶，進駐中環甲級商廈，日日出擊，目標是一切的「被外國勢力」。
四，23條繞過立法會，全城發動簽名運動，用番反佔中舊橋，起碼150萬人表態支持，人頭贏晒，之後即刻刊憲通過。出術，唔得咩？
五，蛇齋餅粽升呢，論功行賞，踢走完美風暴後的財爺，由羅范管理夾萬鎖匙，第一部曲是開閘，K錢。
六，國教一役，政府冇晒面子。復仇刻不容緩，吳克儉無得帶罪立功即炒，范徐搭譚珠出面，工聯會與民建聯青年軍密密向中小學洗腦，國民教育科必入DSE。
七，懷菩薩心腸的限期過去，是行霹靂手段的時候了。市民頭上，唔係冰桶，是九把隨時落下來的利刀，剃頭都唔掂！