季前舉行之嘉年華試閘一向具指標性，勝出試閘之馬匹往往在之後出賽立即交出表現，上季七匹嘉年華閘頭馬其後獲四勝兩位佳績便是最好證明。今季嘉年華頭馬中，已有「喜益善」在開鑼日登場跑第三，今戰兩匹同類分子「要風得鋒」及「清新空氣」均有強勁數據支持，仍有捧場必要。
第二場「清新空氣」上季正是贏完嘉年華試閘後於首次夜賽亮相，並立即贏馬而回，今季部署如出一轍，於9月6日嘉年華閘出試田草1000米，以短距離壓過四班馬「得全勝」率先衝線，試準後又報跑夜賽開鑼戰，重返一戰即勝之五班上陣，雖被列作馬房次選亦難睇小。
至於第七場「要風得鋒」數據更勁，先講高伯新來港開倉以來，曾有「連利多」、「藍雪山」、「都靈明珠」、「財寶星」及「飛哥」於嘉年華閘上名，以上五駒之後出賽均立即有表現，合共交出一勝三位一殿，加上「要風得鋒」試閘造出57秒56，是當日八組試閘最快時間，狀態有幾勇可想而知，等番與試閘路程相同之田草1000米才上陣，有力如前季般一出即勝。