昨日馬季開鑼，馬主郭富城、邱德根、莎莎老闆郭少明、玩具大王蔡志明女兒蔡加敏、賭王何鴻燊兒子何猷亨、周立璟夫婦等現身沙田馬場，十分熱鬧，為新戲造型留灰白鬍鬚的城城，戴黑超、打紅色斜紋呔西裝骨骨為愛駒「愛的呼喚」打氣，跟經理人小美、排舞師Sunny Wong等10多人浩浩蕩蕩步出馬主廂房。
家英哥病癒睇賽馬
城城的「愛的呼喚」賽前賠率頂頭大熱，問有否信心拉頭馬？他笑笑口說：「平常心，隻馬維持狀態，好似我咁弗，但都有對手，冇話贏硬。」留鬚新造型當旺？他展露信心笑容說：「唔知呢。」當城城現身沙圈時，馬迷更大嗌：「係咪去馬？」城城微笑揮手，表現風騷。開跑時小美和Sunny站出來挨實欄杆看比賽，小美還緊張大叫：「2號。」結果「愛的呼喚」卻跑第3，城城步出廂房時對鏡頭苦笑，問有沒有失望？他說：「賽馬係咁，跑第三算有交代。」是否磅數輸蝕？他一副專家口吻說：「可能少少，不過檔位都有少少影響，唔係咁順。」
早前因割肝腫瘤令肚皮留7吋疤的羅家英亦現身馬場，問到身體狀況？家英哥說：「幾好，睇我有心情嚟馬場就知。我今日嚟捧朋友場，暫時未有斬獲，冇諗過做馬主，自己唔識馬。」而現年89歲的邱德根行動不便，要由一男一女攙扶，但精神不錯。
採訪、攝影：沈健程
