【超市壟斷】
沙田第一城居民不滿百佳售賣發霉腐爛的蔬果及人手不足，今發起罷買行動抗議。有居民表示，雖然第一城也有街市，但店舖不足加上規模細，不足應付需要，而且第一城附近又沒有其他大型超市，最近都要步行10分鐘至愉翠苑才有超市，但都是百佳超市，變相全遭百佳壟斷，「焗住幫襯」十分無奈。
在第一城居住10多年張先生稱區內僅百佳一連鎖超市，街市規模細，選擇有限，「附近冇乜選擇，被百佳壟斷，最近嘅超市要行10分鐘去到愉翠苑，但嗰間都係百佳」。
寧願搭車到荃灣購物
張先生表示購物惟有到沙田市中心，甚至寧願搭車去荃灣購物，「通常我哋買嘢會去第二度買，有時放工買埋返嚟，或者出去沙田、荃灣買返嚟」。街坊黃先生也稱，由於沒有其他超市選擇，「有時買漏嘢，迫於無奈都要落去百佳買，有乜辦法？」
沙田第一城委員會主席、區議員黃嘉榮表示，鄰近屋苑也沒有大型超市，於是區外居民也要到第一城百佳購物，而百佳人手不足，令收銀櫃位經常大排長龍，購物變為受罪，「居民排到發𤷪𤺧，鬧啲職員，咁咪收錢收得更加慢」。
《蘋果》記者