【抗命時代】醫生天職救人，奈何社會有病，港大、中大均有醫科生表明抗爭，參加罷課取回基本政治權利。港大三年級醫科生廖志誠是7.2預演佔中被捕者之一，他說：「見到𠵱家社會咁嘅環境，如果我哋仍然焗住困自己喺本科入面，去讀一啲唔會即時關注社會最熱切議題嘅嘢，其實對社會有啲不負責任。」
記者：潘柏林
廖志誠被捕後，在《72511見證公民抗命》一書撰寫短文〈我可以挺直胸膛〉，表示「讀書，的確很有意義，從醫者的手，我們可以把人命一條一條的救回來。但升到大學後，我卻目擊我城的不公不義把一堆一堆的人推向深淵。舊時孫中山棄醫從政，魯迅棄醫從文，作為他們的後來者，我想有些事情是避免不了的。」
「為咗你相信係正確嘅嘢，去到付出代價時候，到底你幾有決心去做？」
公屋出身的廖志誠中學讀沙田聖母無玷聖心書院，2012年以四個5**入讀港大醫學系，他坦言醫科生前途應該無憂，救人亦實踐人生意義，「安安穩穩讀好書，其實都有穩定收入，冇乜嘢好憂慮」。若非在大學舍堂受到啟蒙，亦不會關心政治。他在利銘澤堂住兩年多，宿生會希望學生關心社會，廁格門口貼政治文章，讓宿生「排毒」之餘了解世界，宿舍大廳定期舉辦時事論壇，主題包括政改、明報前總編輯劉進圖被斬新聞等。
一年級下學期起他擔任宿生會主席，邀請佔中發起人之一的朱耀明牧師擔任高桌晚宴演講嘉賓，6.22佔中全民投票他又與一眾宿生做義工，協助舍監兼港大民意研究計劃總監鍾庭耀駐守票站。他認為大學生要對自己信奉的價值觀負責，「最緊要對自己立場負責，私底下問大學生，佢哋好多人覺得關心社會理所當然，民主、真普選係理所當然，但就唔會喺日常生活有實踐，對自己嘅立場負責」。
但為信仰價值可以去到幾盡？廖志誠亦掙扎過，「反東北集會我都有參加，就喺立法會外面，嗰時（有人）問𠵱家要衝，你準備好未？好多咁嘅謠言。作為當時參加者內心有好多掙扎，或者會俾情緒激發參加。嗰陣我就冇衝，我提早離場。之後我反覆問自己，為咗你相信係正確嘅嘢，去到付出代價時候，到底你幾有決心去做？」
7.2預演佔中那晚，他與港大數個舍堂的朋友決定躺在遮打道，希望證明公民抗命有效，「我上莊一年幾，如果仍然停留喺大家傾吓偈、搞吓論壇，說服力有啲薄弱，如果有心要感染其他人，應該由自己做起，真係要喺日常生活實踐對立場負責任嘅行為」。被捕後或面臨留案底，日後向公立醫院求職時或被拒絕，廖志誠指個人意願傾向參加佔中，但家人希望他考慮前途問題，他會與家人坦誠溝通後再作決定。
「究竟我9月22號前可以做乜？究竟點解我唔去做，唔通我冇能力去做？」
學運抗爭你呼我應，中大醫學院上周一成立政改關注組，發起人黃遠倬讀醫學系二年級，他坦言過去一直被動參加遊行、示威，但上周五與同學談及最近人大落閘和學界罷課，朋友一句：「9.22之前可唔可以做啲嘢出嚟？」他不斷反思：「究竟我9月22號前可以做乜？究竟點解我唔去做，唔通我冇能力去做？」
黃遠倬指在facebook成立關注組後，有人表示「等咗呢樣嘢好耐」，他呼籲醫科生不要怕做第一個，要以公民身份發聲。「好多人睇完吳亮星夾硬通過東北撥款，就話香港連程序公義都冇埋，要移民啊。但點解你唔留喺度搞好香港？」他指醫生專業雖然可以治病，但遇到社會制度有病，仍要爭取改革制度去解決。
「如果100個醫科生穿黑衣表態撐罷課，未來就有100個醫生關心社會。」
關注組核心成員護理系三年級生陳國誠指，醫護人員與社會關係密切，有一次參與社會服務，向婆婆建議平日多吃水果，但婆婆平淡一句「我冇錢買生果」，令他反思退休保障制度問題。兩人也決定參與罷課。
關注組至今有逾百名醫學院各系學生參加聯署聲明，一半參加罷課。黃遠倬指下周在各系班房宣傳並派發黃絲帶，又會在威爾斯親王醫院和中大舉辦政改論壇。他指罷課和發聲行動猶如漣漪一波一波擴張，希望現職醫生注視一群師弟妹關心政改。兩人坦言罷課未必令政治現況改變，但在學生心中播下種子，「如果100個醫科生穿黑衣表態撐罷課，未來就有100個醫生關心社會」。