曾經出書的才女傅穎（Theresa），近年經常在網上貼相留言跟fans互動，但早年她以英文留言讚鄭秀文的一段說話，卻被發現文法出錯，結果曾一度被網友取笑她的語文水平，跟死敵鄧麗欣當年出書錯字一事可謂不相伯仲。
「近年學識」
昨日Theresa又因在網上留言惹來抨擊，不知是否因她近年大多時間都留在內地拍劇，因此近來在Instagram皆以簡體字留言，結果被網民批評：「返大陸發展呀嘛，緊（梗）係要迎合大陸人，最好呢世都唔好寫繁體啦！為咗發展連自己既（嘅）文化都可以唔堅持，做人仲有咩原則可言？」即時演變成中港矛盾。
不甘被罵的Theresa即以簡體字留言回應：「寫簡體字又如何？繁體字又如何？都是大家能看得懂的字。我一直以來都是用手寫模式的，既然學會了簡體字，寫簡體字方便多了，為甚麼要把自己局限，一定要寫繁體字呢？真不懂！」
而當中亦有網民撐Theresa用簡體字，直言指某些港人太霸道，人家用甚麼字體也要管。Theresa昨接受本報電話訪問時無奈地說：「我由細到大都係睇媽咪寫簡體字嘅，自己就近年先學識，所以有時會打簡體，有時會打繁體，唔會刻意話唔用邊種寫法，真係唔明點解好似好大件事咁！」
採訪：小米