【壹週刊】坐在天井花園，呷一啖用Hermes茶杯盛着的薄荷茶，再用Bucellati刀叉，切開自家製的芒果蛋糕，感覺悠閒愜意。
這裡不是五星級酒店的coffee shop，而是維他奶創辦人之一陳南昌的孫女陳妙蘭位於南區的四層三千多呎洋房，除了花園high tea，每個禮拜總有一晚，這位煮得一手好菜的女主人，也會在家設宴，送上一道又一道的真正私房菜。
除了菜餚要美味，陳妙蘭（Christina）對table setting也非常講究。 一般人都會用同花紋的碗碟，Christina就會根據每位客人的個性，用不同pattern的餐具，而且只用Hermes和Wedgwood出品，刀叉、匙羹就是Bucellati和Christofle，「每款圖案嘅餐具我都只會買一套，因為每種圖案有唔同意思，可以代表唔同嘅人。」簡單的米色扭花圖案適合比較artistic的客人；深色層層疊的花紋，穩重型男士就最啱。
除了經常搞家宴，有段時間，Christina甚至在家開班教煮餸，「 我唔會俾陌生人入我屋企，所以都係識嘅朋友，五個太太組成一班嚟學，只收材料費，佢哋睇住我煮，之後就拎recipe返屋企自己煮。」三年前她開了Christina's Creation餅店，實在分身乏術，煮餸班就此終結，否則我這個無飯記者，真係想嚟拜師學藝。
在飯廳擾攘一輪，終於可以行落客廳。有兩個小朋友、兼且喜歡在家宴客的Christina，選擇以米色作為客廳主調，「我鍾意間屋俾人感覺好舒服，米色雖然易污糟，但冇所謂啦，我老公一、兩年就要髹油、換地氈。」去年他們就花了五個月時間，重新粉飾家居，「初初以為唔使搬出去， 因為我鍾意喺屋企，但唔搬真係唔work，唔可以裝修一半、住一半， 最終都係搬咗出去住。」
飯廳和客廳都沒有安裝電視機，Christina笑言這是丈夫的主意，「因為食飯時間係親子時間，老公要問啲仔問題，唔可以disturb，就算電視機喺客廳，個仔眼尾瞄到，講嘢都會遊魂。」
客、飯廳沒有電視，但都有一個大飾櫃，放了近千個德國Hummel瓷公仔，很多都是限量品，一個十二厘米高的瓷公仔，要經過陶泥、首模、組裝、上色等約二千個工序，生產時間要八百小時，售價由千元至數萬不等，「我喺我大仔出世時（十二年前）開始買，原意係每年買一個。」誰知她卻買到停不到手，「最初只係買男公仔，後來生咗細仔，好想有個女，於是又買埋兩男一女嘅組合。」Christina笑話她收藏的數量，比一間Hummel店還齊全呢。
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android