嗶嗶嗶嗶嗶嗶嗶嗶！欄王劉翔星期一同內地演員葛天登記結婚，雖然之前有傳今次雙喜臨門，不過新婚嘅劉翔日前帶埋太太出席活動時已經否認咗。不過無啦啦突然結咗婚，好多嘢大家都係估估吓，好似話劉太整過容呀、生日虛報呀，總之傳言就滿天飛。
呢兩日就連葛天阿媽、即係劉翔外母都被起埋底。有指葛媽媽係山東第一代Model，當年仲係「陪朋友」去選，點知朋友唔入圍，但佢就得咗嘅老土橋段。再睇埋2008年葛天入讀中央戲劇學院時，陪囡囡開學嘅佢一身貼身牛仔褲加長靴，完全唔似已經有個19歲囡囡。兩母女睇落仲好似樣咁，咁有傳劉太整過容嘅說法咪…。