建制派靠蛇齋餅糭，幾乎已橫掃區議會，泛民要頂得相當辛苦，先喺某啲區保得住勢力，其中葵青區就係泛民仲有實力嘅區，不過左派又點會放過佢哋，一定會諗辦法喺2015年區議會選舉清泛民枱！
好似最近民政事務總署決定，每年資助510萬成立葵青區少數族裔支援中心，表面上就係幫地區少數族裔，不過睇清楚個中心係由「香港社區網絡」營辦，而香港社區網絡嘅骨幹人物，其中一個就係民建聯范國輝。
范國輝原本喺深水埗一帶出沒，當年喺區選輸過畀馮檢基，點知佢一個屈尾十走入葵青搵食，入嚟幾個月就有民政事務總署支大水喉射住，肯定係為2015年葵青區議會選舉清泛民枱部署！