史雲斯開季予人驚喜，頭4場比賽全勝，不過周六作客車路士進行英超榜首大戰，應該冇運行，直取車仔[-1]「主勝」。
史雲斯今季散班，禾姆、賓戴維斯、捷高、柏保路靴南迪斯、約拿芬迪根斯文及米捷等均離隊，故他們亦被看扁難有作為。不過「天鵝」於揭幕戰作客贏曼聯後打起了信心，之後3場比賽全勝，現更與車仔一樣同是3戰得9分，只是得失球不及對方才屈居第2位，主帥蒙克更當選8月份最佳領隊。但車仔有別於之前4場比賽的對手，攻守厲害得多，料會遇到真正考驗。
車仔今季大換血，兩老艾殊利高爾及林柏特齊被放棄，入球能力盡失的費蘭度托利斯則借至意甲AC米蘭，換來法比加斯、菲臘路爾斯、迪亞高哥斯達及雷米，又回收泰拔高圖爾斯，即時令人眼前一亮，頭3場聯賽全勝兼場場淨贏兩球或以上。
史雲斯守力一般
周六車仔迎戰史雲斯時，雖有英超8月份最佳球員哥斯達因傷上陣成疑，但雷米及杜奧巴把握力強，加上有夏薩特及法比加斯等提供輸送，力足攻破史雲斯。儘管史雲斯中場線有奇誠庸及以爛打見稱的舒維爾，惟防線始終不太穩陣，特別是把守大門的法比安斯基，不時有低級犯錯。而且，天鵝於英超作客車仔全輸兼失7球，有兩次是淨輸兩球或以上。
文：青蛙仔
識睇，一定係睇足英台【英波Live】：
http://soccer.appledaily.com
http://bit.ly/engballlive