繼《動私影》影盡game girls背後生活之後，蘋果動新聞再度炮製出為粉絲而設的全新專輯《粉私影》，主要揭露各支香港官方英超球迷會，一些鮮為人知的爆笑趣事及感動專題。第一集請來阿仙奴亞洲香港官方球迷會的Yukie，自爆她入會後遇到的獨特故事。
阿仙奴亞洲香港官方球迷會於02年成立，Yukie就於11年加入球迷會。這位直腸直肚的小女子，成為官方會員的時間雖然非長，但其實早於06、07年，她已開始留意阿仙奴了；之後兵工廠在11年的中國杭州之旅，更把Yukie的心完完全全帶走，正式成為官方「兵迷」！
Yukie憶述當年在杭州的追星奇遇，更以「誇張」來形容自己的行為：「我由早餐等到午餐，大概喺架𨋢裏面等咗4個鐘頭，嗰次遊𨋢河係想等班球星入𨋢，真係好誇張！我一直搭同一部𨋢，好彩最後沙格拿同贊堅臣真係入咗嚟，成功自拍！」被問花了4小時去「撞星」是否值得，Yukie直言：「等𨋢門開嗰一下，嗰種期待，真係好似新郎開門咁興奮！」
就是那次杭州之旅，Yukie便加入了阿仙奴亞洲香港官方球迷會，現時每逢有愛隊比賽，球迷會也例必搞聚會齊齊睇波，每次活動更有過百兵粉參加，十足大家庭一樣。Yukie更透露前年於英國留學時期，曾在現場欣賞阿仙奴的英足盃賽事，氣氛正到痺！談到學生哥如何支付昂貴票價（每張50至100英鎊），Yukie感激媽媽支持：「多謝媽咪支持我所有瘋狂嘅追星活動，我愛你！」
球迷聚腳地，粉絲必睇足英台【英波Live】：
http://soccer.appledaily.com
http://bit.ly/engballlive