【拆局】
特區政府昨日為政改第二階段諮詢「放風」，有泛民相信政府見坊間民調顯示支持「袋住先」民意度下跌，企圖以「有得傾」內容挽回支持，但泛民相信，當市民了解所謂「有得傾」內容「根本同無得傾冇分別」，支持「袋住先」民意只會再跌。
有泛民中人稱，全國港澳研究會副會長劉兆佳等仍認為，支持「袋住先」民意度下跌只是一時現象，特區政府及劉似乎不理解，現時政府拋出的不是次好或第三好方案，「而係一個畀自由黨、經民聯、甚至民建聯都要差嘅方案，咁點可以叫市民甘心食住先？」而三道「鋼閘」幾乎令所有中間派學者死心，而一般的中產及中間選民，大多有較高教育水平，也有較強獨立思考，向來較傾向相信中間學者，當他們拒為「袋住先」背書，泛民中人料政府難爭取中間民意，「你話呢班中間選民會信你劉兆佳講、定馬嶽、呂大樂、蔡子強講？」
《蘋果》記者