蘋果新手機iPhone6同iPhone6 Plus今日開始預訂，由於香港搶先過強國發售，相信強國人會大舉嚟港「鳩烏」搶貨，愛瘋價一定被炒高，據聞iPhone6 Plus嘅金色版，炒價已達20,000蚊，比原價貴一倍有多。唔知係咪呢個消息刺激咗排隊黨？網上噚日瘋傳一張相，有人聲稱噚日喺白沙道嘅Apple Shop門外，見到一批南亞裔女子坐喺地排隊，之後仲有強國人跟隊！
此Apple不同彼Apple，呢間Apple Shop賣牛仔褲，iPhone 6發售在即，唔少人質疑佢哋排錯隊；有網民思疑純粹係外傭聚會，大家係咪諗多咗？但有傳媒向Apple Shop求證，引述負責人話相中人其實係排隊買附近NIKE店推出嘅限量版新服裝系列。