911恐襲事件13周年之日，亦係狼英次女梁齊昕23歲生日，但八方噚日下晝兩點半，見到特首夫人唐青儀同三女梁頌昕現身中環皇后大道中嘅置地文華東方酒店時，卻不見成日批評阿媽嘅壽星女齊昕蹤影，反而齊昕喺自己facebook好活躍，先喺下晝3點幾，打卡話自己身在中環IFC嘅千両食店，上載刺身同鍋物等美食相，留言「Gonna miss this when I'm gone」，其後又貼拎花相，話悼念911事件罹難嘅死難者同救災英雄。查實生日前夕，齊昕已經頻頻貼相上fb，包括同大班朋友食飯照，以及大騷身材嘅自拍照，唔知係咪生日期間特別開心？
八方唔知狼太有冇同齊昕慶生，只知噚日佢喺酒店大堂等車期間見到八方時，態度從容，相反頌昕似乎唔太習慣面對鏡頭，最初仲同阿媽有講有笑，其後唔多自然咁擰歪面，最後索性用背脊「得」住記者。