張兆輝話遲到好過冇到，當同期同學仔梁朝偉、吳鎮宇榮登影帝，張兆輝仍停留做活力先生階段。到棄影從商機會才接踵而來，拍過杜琪峯的作品，成為御用性格演員。到新作《恐怖在線》成為雙料影帝，獎永遠不會遲，最想同囝囝、老婆講聲：「我得咗嘞！」而憑電影《狂舞派》中扮演柒良一角而為人認識的蔡瀚億（BabyJohn），就樂見有不同拍攝平台，拍攝這套風格不同的靈異電影。
「杜琪峯係我伯樂」
張兆輝早前接受訪問，談到獲知成為聖地牙哥電影節影帝時，正在廣州拍杜琪峯的作品，他說：「嗰時準備埋位，見到攝影師離遠好興奮，但見我忙都冇出聲。到拍完佢至嚟話『輝哥，你攞咗獎呀』，到打返屋企同太太、囝囝講，個仔上網搵完之後話『爹哋你做咗影帝呀』，嗰一剎那真係幾興奮，之後再贏埋第二個影帝。」
從影30年未贏過電影獎項，一下成為雙料影帝，他說：「讀電視台訓練班出身，人哋開始上位我仲做緊『活力先生』，其實我都唔運動嘅。」之後棄視從商閒時拍杜琪峯的電影，反而發揮更大，他說：「杜琪峯係我伯樂，喺電視台冇人搵我做嘅角色，佢都會搵我。」從《柔道龍虎榜》的收數佬、《黑社會》的師爺到《神探》的鬼，都是電視未嘗試，他笑說：「電影冇電視咁流水作業，逼你去進步。」對於獲獎他笑言永遠不會太遲，他說：「有就唔係遲，係一種鼓勵。老套都要講句，多謝台前幕後活化咗戲中古爺嘅角色，雖然都係一個差人，但至少係有血有肉嘅差人。」
BabyJohn等拍《狂舞3》
而作為影壇新人的BabyJohn，今趟拍攝一套風格不同的靈異電影：「好開心有電影發展基金，去幫一些新導演去完成創作，好似之前《狂舞派》導演黃修平同埋今次《恐怖在線》杜玉貞，都係因為呢個基金可以完成。」BabyJohn正仍等待歸隊拍黃修平的《狂舞派3》：「導演講笑話通常雙數續集都唔好，所以一跳就叫做《狂舞3》。」
採訪：何永寧
