紐約時裝周接近尾聲，舒淇昨日凌晨現身Boss Women的2015春夏騷，同場還有《阿凡達》女星素兒莎丹娜（Zoe Saldana）、「超女」姬蒂布絲禾夫（Kate Bosworth）等成為front row上賓。
騷後舒淇更入了後台，與品牌設計師Jason Wu會面，她笑言：「好開心，大家係台灣人，見佢有成績，有咁好嘅表現同設計，得到佢認同好開心。入到後台會恭喜佢，佢忙多人爭住同佢影相，有食過一、兩次飯，傾得開心，好似喺外國遇到講廣東話嘅人會講好多嘢。」
高圓圓為又廷置裝
時裝騷在重建的世貿中心舉行，加上是911事件前夕，舒淇希望大家充滿慈悲心：「世界亂，空氣唔好，唔好自己人傷害自己人，本是同根生，相煎何太急，黑心商人多，又打仗，希望世界和平一點，愛護地球同珍惜身邊人。」問到會否幫緋聞男友馮德倫買男裝，她表示：「自己喜歡男裝，不需要買給其他人，自己扮男生也很帥。」舒淇更開玩笑希望愛貓May May Boy成貓界巨星：「想同Hugo Boss傾一個寵物系列，搵佢行騷，我就靠佢賺錢，唔使飛來飛去。」
此外，高圓圓則現身Michael Kors時裝騷，她透露再到紐約想起與謝霆鋒去年拍的《一生一世》舊地，她表示與夫婿趙又廷剛共度中秋：「他在台灣忙工作要拍戲，如果看中男裝，就會買給他。」
採訪：林嘉慈
攝影：陳順禎
