禮拜日終於開鑼喇，一如以往用全闊沙田草地A跑道，唞暑養草超過兩個月，究竟場地利放定利追？睇番上季開鑼十場賽事，除了兩場直路賽由擺前走之「羅馬神駒」及「美麗昇華」帶到之外，其餘頭馬沿途多是留守中間或更後位置下建功，而且走中外叠絕對唔蝕底，反而可以衝得更順，好似「文武精神」及「軍功」都是走外欄從尾叠後上反先對手，另外「常妙星」和「愛跑得」則居中衝贏，靠後勁食糊之馬匹，可以優先留意。
今戰列陣馬中，第四場「幸運日」跑過一次田草A欄，正是上季初出角逐1200米，結果即贏馬而回，今季又吼準A欄同程先上陣咪睇小。另外，第七場「狄奧圖」三戰田草A欄均不勝有位，用呂卓賢減磅，有權偷襲。