跟友人飯局，席間談到周融的反佔中大聯盟設立舉報熱線，鼓勵匿名舉報擬罷課或佔中的中學生，並威嚇將學校名稱公開，朋友罵聲不絕：「香港人最恨你搞細路，你今日咁搞，俾你上到位咪搞埋我啲孫？」
「唔使擔心，佢點上到位呀？𠵱家一鋪就神憎鬼厭啦！」沙膽虹這樣回應。
「一個土生土長的香港人，點會做出啲咁嘅嘢？連左佬都未必會咁做啦！」朋友慨嘆周融的水平原來如此！沙膽虹亦不明白，當年特首曾蔭權為何會這樣賞識他，幾乎遷就他的quali度身訂做個廣播處長給他當，可幸最後不成事；如今換屆，有奶便是娘，又飛撲埋去做如此核突惡心令人憤慨的行為。或許是上次搞反佔中簽名運動令他大頭症發作，搞出條文革式舉報熱線，舉報中學生，目前成為眾矢之的，學校教師家長學生都圍剿，真的不知如何收科。
沙膽虹
twitter賬號：khcheung1