【巴黎直擊】廖碧兒舊愛林忠豪於香港時間前晚在巴黎大皇宮，出席巴黎古董雙年展，他帶同女友Susanna恩愛到場，並透露此行是為出席朋友於羅馬舉行的婚禮，他甜笑說：「請咗十幾日假，陪女友去歐洲shopping開心。」
「自己好都想佢好」
有指舊愛廖碧兒急於上岸，由黃長興做媒人，約會Neway大少薛世恒相睇，林忠豪似乎有備而來說：「過咗咁耐，都想佢開心，想佢好，如果真嘅我會祝福佢。」是否覺得廖碧兒拜金？他力撐說：「唔會，我覺得佢工作好認真，我係深深體會到，佢好努力做嘢，佢中文唔好，劇本啲中文唔識會叫助手逐個音譯。係咪拜金，邊個女仔唔想搵個人照顧，我𠵱家好開心，都想佢開心。」
同場還有呂良偉與太太楊小娟、余安安等，阿呂表示今次放兩星期假陪太太歐遊，小娟說：「巴黎係我哋結婚嘅地方，每次嚟親都會帶埋個仔，佢會照顧番我轉頭，因為佢英文好過我。同老公兩個人嚟呢度，都係12年來第一次。」
安安儲女兒嫁妝
穿上喱士上衣配外套短褲的安安，自言喜歡收藏珠寶，打算留給兩個女兒將來做嫁妝，問到囡囡可有拍拖？她笑說：「見佢𠵱家好開心，但唔使咁快見。」
謝玲玲是今年活動的香港區榮譽籌務委員，大女林恬兒及女婿、妹妹謝青青專程來巴黎陪她過舊曆生日，所以特別開心。58歲的她保養得宜，平常會健身、跳舞及畫畫，每年更會抽空全家旅行，現階段最想24歲的心兒早日拍拖。
採訪：羅慧敏
攝影：周樂恒