千呼萬喚，蘋果終於公佈iPhone6同大芒iPhone6 Plus，好多人對強大祖國冇被列入首批開售名單大感意外，呢條數都唔知搵邊個找。但既然香港有得賣，大家都係留意香港邊間電訊有得賣好過。
發佈會現場大芒所見，和電香港（215）、數碼通（315）logo都喺度，csl.嘅logo就冇影，反而見到未被香港電訊（6823）收購嘅CSL舊logo，唔通香港電訊冇得賣？
香港電訊公關大員就澄清，香港電訊跟其他香港行家都會喺呢兩日內畀人預訂，新品牌csl.亦已經跟蘋果公司簽新約，即係冇再分只係one2free、1010有，而PCCW-HKT冇得賣iPhone。照咁講，蘋果仲用CSL舊logo係咪蝦碌咗呢？