北京為真普選落閘，佔中全面啟動。雖然北京及特區政府表面說「冇有怕」，但背後卻異常緊張，據聞除了港警取消休假，有政界中人說，專責來港收風的一批內地「中間人」、國安、公安一樣要取消十一國慶休假，因為北京擔心一班駐港外國記者，會借佔中大做文章，「抹黑」中國。
若動武勢被全球記者追問
該政界中人對季陶說，那些內地「中間人」、國安、公安其實沒有甚麼可做，「佢哋知大局已定，都係收吓料、點吓相，寫吓報告，根本對大局冇大影響」。但對北京來說，他們明知佔中無可避免，必要做到各方面萬無一失，「所以所有人都冇得放假，特別是盛傳會喺十一國慶佔中，佢哋更加冇得放」。由於十一國慶是內地其中一個長假期，那些「中間人」、國安、公安自然「牙痛咁聲」。
至於北京對佔中有何準備？該政界中人引述一些國安、公安稱，北京由最好到最壞情況也有設想，「話北京冇諗過出解放軍就係呃你嘅」，但最令北京憂心的是香港不同內地，「冇可能對付佔中時候，趕走班駐港外國記者」，到時只要警察、甚至解放軍鎮壓佔中示威者的影像，在全球媒體出現，難免會打擊中國國際形象。該政界中人指，北京若然對佔中動武，11月北京舉行APEC領導人非正式𥧌會時，屆時雲集北京的全球記者肯定會追問國家主席習近平，為何鎮壓佔中示威者。
季陶