NERF海綿槍，喺一般人心目中都純如海綿寶寶，冇乜殺傷力！最近香港新返咗一支N-STRIKE ELITE NERF CAM ECS-12 BLASTER，射程最遠達25米，槍頭仲內置30萬像素鏡頭作實況錄影，仲想拗數話冇中槍？對唔住佢仲有即時回帶功能，冇得走數！
記者：朱崇德
攝影：林栢鈞
NERF玩具槍系列歷史悠久，由1969年推出玩到今天，一直是小朋友槍戰恩物，主要原因是它的槍彈物料，雖然大家慣說是海綿彈，但正確說法應為「非發漲海綿」（Non-Expanding Recreational Foam），是一種以聚酯樹脂和二氧化碳產生化學反應所造成的「海綿結構泡沫塑料」，就以ECS-12手指長度的子彈為例，重量僅有1g，殺傷力有限，家長可以放心畀小朋友玩。
NERF一向予人感覺好玩具，不過最新抵港的ECS-12一改形象，上手感覺有如電玩的HALO上身，連廣華街BUDDY BULLET槍舖負責人孫文杰都大讚：「槍身外形集合了多種槍械元素，感覺頗未來科幻。ECS-12最大賣點是加入了槍內鏡頭，及1.77吋瞄準彩屏，除了可作電子瞄準器，更重要是有30萬像素影相，及640 × 480的拍片功能，能將槍戰實況以第一身角度拍攝下來。事後翻看固然開心，更重要是經常拗得面紅耳赤，中槍唔認的問題，都從此得到解決。」以跟機的4GB記憶卡計算，大約可儲存2,000張相片或100分鐘影片，以10-20分鐘一場War Game賽事計算，玩上一日都無不可。「據知就算最新款的模型氣槍，都未有類似內置鏡頭及屏幕設計，如果想玩只可以另外加Cam。」
10米內精確射擊
說它是低殺傷力武器，總要有數據支持，「我們用測試氣槍火力的測速機計算，火力大概是0.2焦耳（一般BB彈氣槍為1.2-1.5焦耳），如果硬要說感覺，大概是俾手指彈一下吧！」現場實試開槍距離，海綿彈在10米內非常準確，25米左右就會力衰而着地，為何0.2焦耳有如此的射程：「我發現ECS-12的槍管，造了有如真槍管的萊福線，佢會令海綿彈在發射後產生旋轉，從而減低風阻的影響，射得更遠。」
槍客點評
a. JC Shop 銅鑼灣世貿中心4樓408號舖
b. BUDDY BULLET 旺角廣華街1號仁安大廈地下24A
玩NERF要戴護目鏡
NERF射擊遊戲在外國相當流行，原來香港都有。觀塘的CQB全天候室內近戰中心就有玩NERF的比賽，負責人陳諾文表示：「玩法與BB彈槍基本一樣，都是中槍後馬上退場，唯一分別是參賽者多為8-12歲小童，雖然殺傷力不像BB彈般大，但玩時一樣要戴護目鏡，這是最基本的安全守則。」