杜德偉（Alex）昨日與太太現身屯門舉行新碟簽唱會，fans們帶同仔女捧場，並上台跟Alex玩遊戲，激發Alex父愛一面。
眼見fans已有仔女，Alex坦言非常感動，以前fans出席活動都是成班學生，十幾廿年後，已經拖男帶女出席。稍後跟太太三星期的歐洲之行，Alex明言將不設防全力造人，他笑說：「同太太喺歐洲會肉搏出嚟，今次去歐洲都好驚，當地治安唔係咁好，有好多朋友都中招，我外母教我哋每日朝早都買啲葱或法包插入袋，等啲人以為係食物。」談到會否開演唱會Part 2，Alex指仍在消化Part 1的進步空間，預計一年時間完成巡迴後，再計劃下一步。
採訪、攝影：馬建華