冇咗《主場新聞》，唔只令想睇好文章嘅讀者失望，一班慣常喺《主場》寫文嘅博客對冇咗個「聚腳地」似乎都唔慣，早前喺facebook設立「主場新聞博客群」專頁，集結各位博客嘅文章，並喺上月尾開始喺WordPress試行《主場博客》網站！
《主場博客》網站終於喺噚日正式「開張」，標誌同以前《主場新聞》一樣，令唔少粉絲倍添親切感！呢個網站冇單一主事人，係一個主場博客共同擁有嘅分享平台，上載嘅文章文責自負；佢哋以「寸草猶生 書寫我城」做口號，希望繼續凝聚《主場新聞》嘅支持力量。據知目前已有百幾位前《主場新聞》博客參與，網站亦已上載多篇關於抗命時代嘅文章： http://thehousenewsbloggers.net