隔牆有耳：
Tree根淋冰out到爆 - 李八方

公眾人物個個冰淋城下，為香港肌健協會籌款，禮義廉嘅Tree根就慢三拍，揀噚日八月十五先嚟同兩位朋友淋冰，真係out到冇朋友。好明顯，佢旨在淋冰見吓報，因為佢淋冰之前，連遊戲精髓向邊三位人士挑機都冇講，就即時淋濕晒自己。本來話同佢一齊淋冰嘅藝人馮寶寶，臨時話有病縮沙唔淋冰，令成場騷冇晒睇頭，只係幫手數一二三。

淋完冰嘅Tree根話，感覺好涼快，仲話自己為香港肌健協會籌得2,000蚊，做善事有心唔怕遲，點知佢講講吓，Tree根嘅一位東區休班警察朋友，即時再向佢照頭淋多桶冰。不過，Tree根都好大方，話呢位警察係老朋友，所以唔計較。咁又係，禮義廉同警察向來都friend過打band㗎啦。