話說北京發動新一輪網絡攻勢對付佔中同罷課，又有釣魚電郵、假名或者冒名開嘅facebook戶口，可謂無所不用其極，但原來北京嘅網絡攻勢，仲伸埋入高登討論區。早前有高登仔發言，有一批大約喺2001年左右註冊嘅戶口，原本一直冇留言，近排突然好似殭屍咁翻生，仲全部留言挺北京反佔中，有高登仔質疑呢批戶口係咪已畀北京買起畀五毛用。
到上星期高登admin終於出聲明，發現呢批戶口大部份喺非常接近嘅時間重新啟用，仲要係嚟自相同的幾組嘅IP地址，而且重複張貼相同言論，雖然高登admin只當作「分身賬戶」刪除，冇話係有組織嘅五毛戶口，但睇到佢哋同時翻生、IP地址又相同、言論又一致，唔係北京網軍操控真係搵鬼信。