中大政治與行政學系高級講師蔡子強噚日同社民連梁國雄去城大講talk，二人過往不時政見相左，噚日同場難免有火花，好似長毛講到好長氣，蔡子就不忘「提醒」佢，留番時間畀學生仔發問；長毛又回敬點解喺城大搞論壇，冇城大教授在場，反而請個中大人嚟分享！
不過講開學運、社運，蔡子話長毛未搞社民連之前係「四五行動」，成日俾人笑佢個「行動」得4、5個人參加，點估到佢𠵱家成為新東票王。長毛亦大方承認以前搞行動冇號召力，自嘲當年四五行動參加人數，其實係介乎負1個與20個之間，有時真係一個人都冇。其實二人講嚟講去，都係想提醒在場學生，搞學運、社運唔一定會成功，但堅持信念，時間會證明你到底係啱定錯。