【本報訊】8.31的晚會上，中大社工系副教授黃洪等學者上台宣讀《致全港市民書》，控訴北京背棄了自80年代以來一直強調的「民主治港」的承諾，象徵那一代人的夢醒、夢碎。學生時代的戴耀廷和陳健民，一個抱持「民主回歸」的信念，一個抗拒回歸。30年後謊言揭破，兩人都認為，本土派勢必抬頭，只願港人抵抗大陸化時，不要傷害到自己核心價值。
30年前大專界支持回歸
那是人心動盪的時代，兩大學生會都在討論前途問題。當年的中大學生，像羅永生、吳志森、黃洪，都支持民主回歸。代表會的陳健民同學，可算是個「異見人士」。他憶述，自己當時是個強烈民族主義者，但討論回歸，他倒認為，若一個社會要交給共產主義國家，人民會受苦，「我唔覺得應該要回歸喎，即使殖民地底下，如果人嘅生命反而得到保障，更加有尊嚴，點解要為咗一個民族主義立場而支持呢樣嘢呢？」
他當時提了一個議案，認為學生會就回歸問題，應交付全民表決。「我記得當時說法係，如果你話呢個地方曾經屬於中國咁就屬於中國，咁韓國係咪要屬於中國呢？Benedict嘅《Imagined Communities》一書立場我好接受，所有國家版圖都是暴力結果」。通宵辯論，結果他的議案被否決。
「回歸觀點，陳健民或更加前進」，時為港大學生會成員的戴耀廷，可能更貼近當時學界的「主流民意」。87年曾任《基本法》諮詢委員會大專界代表的他憶述，當年對許多香港人來說，不單純香港的主權回歸，最後還期待會出現一個民主中國。
2014年「民主回歸」的底牌揭盅，事後回想，戴耀廷說，過往草擬《基本法》、談一國兩制時，可能已被「落藥」，「佢畀你一種好虛幻嘅希望，佢用嘅字眼叫做普選，畀乜嘢民主程序你，一日吊住你。你一路都唔知嗰個係咪靚女，咁𠵱家揭出嚟，嘩咁樣呀！娶咗佢，就一世喎，冇理由要得落」。談及「美女」，陳健民不禁插嘴說：「喂，大佬，佢整咗容都唔靚，又冇內涵，仲後續會有好惡毒嘅嘢跟住嚟。嘩！點娶呀！」
溫和民主派過往主宰着香港的政局發展。隨着「民主回歸」諾言的幻滅，兩人都預測，往後的政局，城邦派、本土派勢力會抬頭。陳健民只希望本土勢力不要損害我們本來價值而不自知。他舉例說，當大陸人來港蹲下小解，那是大陸化的行為，港人需要抵抗，「但唔好話係大陸人都係咁衰」。「我唔希望嗰種本土化走到一個地步，你同個敵人鬥得太耐，你都變咗敵人。守衞我城，守到一個地步，傷害咗我哋最靚、最好嘅嘢」。