這日沙田馬場舉行一年一度嘉年華活動「開季試閘樂滿FUN」，最好睇嘅節目，當然包括騎師競跑，今年形式有別於往年，由個人賽變成接力賽，16位參賽騎師分成八組角逐，上屆跑第一的彭利力已離港，奪標大熱是是上屆亞軍田泰安與華將何澤堯的一組。而香港冠軍騎師潘頓由於暑期曾傷腳，今年沒有參賽，改做「司閘員」，負責發司號令響起訊號宣佈起步，結果第一棒的何澤堯速度已非常快，田泰安亦接棒順利，率先衝線勝出，獲賽馬事務執行總監利達賢頒發5,000元獎金；湯智傑的拍檔臨時由賴維銘改為黎海榮，最終跑第二而回，獎金3,000元；過往此賽三甲常客杜利萊夥拍吳嘉晉出戰得季軍，有2,000元獎金。
田泰安表示好開心能收復上季失地，首次勝出騎師競跑，佢牙擦擦話自己狀態fit爆，話無論競跑或騎馬，身手都唔會輸蝕畀其他騎師，最希望當然係開鑼日可憑蔡廐「勁勢」奪得特首盃。