劉文俊13年前結婚，跟太太有一仔一女，現分別12歲和7歲。多年來，劉文俊享受湊仔樂，就算開工也會帶同囝囝劉洛銘一起，久而久之，令囝囝對娛樂圈產生濃厚興趣。劉文俊笑說：「個仔跟得我開工多，好鍾意娛樂圈嘢，跟我拍過無綫啲劇，好似喺黃子華部《絕代商驕》入面演KK仔，喺《當狗愛上貓》做過曾華倩個仔。」囝囝是否愛做演員？劉文俊說：「其實佢鍾意做歌手學唱歌、鍾意剪片，我畀咗部mac機佢，佢用啲software學剪。」
雖然囝囝以玩票性質拍過多部劇集，但劉文俊不贊成兒子正式入行，他說：「讀吓書先，8年後點知時勢會點？我𠵱家答唔到佢，佢想唱歌，問題不大，各大唱片公司有啲高層都識，但人哋都會變㗎喎！」
