北京為香港普選落閘，英美政府都有出聲關注，而北京一如以往，由外交部出手反擊「外國敵對勢力」。不過八方留意到一樣嘢，就係外交部鬧還鬧，但就只限對美帝英帝，日本內閣官房長官菅義偉一樣有發聲，關注北京將泛民候選人排除在外，又話希望香港可喺「一國兩制」下，維持自由、開放嘅體制，聲明內容比英、美更到肉，擺明話你北京搞篩選，但係北京竟然粒聲唔出。
日本政府嘅內閣官房長官，係日本首相嘅左右手，日本政界叫佢做總理大臣嘅「賢內助」，可見菅義偉嘅聲明，係代表首相安倍晉三嘅立場，但係中國外交部好似扮唔知，咁樣俾日本政府「干預內部事務」都唔反擊。