還有幾日先登場的iPhone 6，雖未現身，但氣場已壓到班Sales抖唔過氣！講緊係即將「榮休」的5S，你咪睇官網仲報緊16GB賣$5,588，其實先達暗價已經劈至$4,980，而且屬全新機、有保養，足足平多$600！Sales嘆謂：「其實成個場都儲緊彈藥，準備大手入iPhone 6，而5S，只求散貨而已！」另一原因，他們預計Apple「慣例」每逢新機推出，舊機必減100美元，故希望趁減價前嗱嗱臨出貨。
除了16GB劈至$4,980之外，32GB和64GB版亦分別減至$5,980及$6,280，比起官網正價，即平多$400和$900。