深圳要拆掉他們的足球場，大國人無場踢波，《深圳晚報》居然想出「足球內交」的計策，號召深圳同胞到香港踢波，理由很簡單：便宜。
康文署的小型足球場租最貴也不過$168一個半小時，但原來深圳的足球場，2小時收費居然要$2,000元，而且是人民幣！人仔2千來踢波，難怪有網友調侃，終於明白中國足球無能的原因了，球員根本無錢租場踢波，何來訓練好成績？
此新聞一出，香港自當譁然，古惑仔𡃁坤第一個跳出來反對。
𡃁坤：「整你個掣！以前我喺球場惡晒㗎嘛！有咩唔順超，就去逗佢，𡃁仔，嚟呢個球場玩，未死過啊？有無跟大佬啊！以後我仲點去兇班強國人啊？頭先段對白，點樣變成普通話啊？𡃁仔……不是說你𡃁，是說……年輕人，來我球場踢球，活得不耐煩嗎？嘩，邊順口邊有氣勢。我最怕問佢有無跟大佬，佢同我講，『我爸是李剛』，咁我點算？一陣我話我係尖沙嘴揸fit人，佢話佢都係沙嘴，不過係深圳嗰個沙嘴，咁就老土啦係咪？」
波牛也跳出來反對：「大佬！佢哋唔講左閘右閘，佢哋講後腰㗎，點同佢鬥波啊？一陣佢話，兄弟你做後腰，我打邊衞，我的偶像是小貝還有舍甫琴科，我哋溝通唔到㗎﹗」
賣場紙阿婆：「歡迎歡迎！歡迎深圳同胞來港指導足球，我專賣場紙，放心放心，一視同仁，中港一家親，價高者得，絕不會出現香港人優先。老老實實，你俾港紙我book場，人哋俾人仔嚟book場，有錢，你真係唔要？」
《深圳晚報》的屎坑橋，等於在中港矛盾的風頭火勢，再加兩粒炭精。
當年中美乒乓外交成功，因為雙方只到對方國家打一場球，如果中國人人都到美國打乒乓球，你估尼克遜還會批准嗎？