喺美容中心做手術，好多人都知風險高，2012年DR醫學美容集團毒針事件，導致有人死亡，相信大家都記憶猶新；估唔到美容失敗嘅個案，喺馬圈嘅男士身上亦發生，受害者就係華籍練馬師鄭俊偉。
話說7月份趁暑假期間做激光脫斑手術的鄭俊偉，當時面上一大片瘀紅，好多人唔知仲以為鄭俊偉畀人打。事隔個幾月，鄭俊偉面上瘀紅仍未散退，日前佢去看皮膚科醫生，證實美容手術失敗，二級燒傷。
鄭俊偉說：「我承認唔好彩中招了，暑假初期我看自己以往拉頭馬相，都算青靚白淨，現在52歲年紀大了，生了雀斑，便去做激光手術，手術後美容院對我表示，瘀紅只是暫時性，很快消失。怎料過了一個月仍未消退，我便看皮膚專科，醫生證實我二級燒傷，需要九個月時間才完全消瘀，真係唔衰攞來衰。」
鄭俊偉續說：「現在我已收拾心情，專心為『好好計』出戰美國做好準備，只要牠跑回杜拜金莎軒入Ｑ的水準，當有力爭取好成績。開鑼戰馬方面，大約三駒上陣，已落實有『旅英駿駒』跑1000米及『添歡笑』跑1200米。」