唔知北京係咪咁怕泛民佔中，繼之前用釣魚電郵呃泛民議員電郵密碼後，噚日又輪到民主黨胡志偉同工黨李卓人中招，不過今次唔係釣魚電郵，而係有人用佢哋個名，喺facebook開假戶口。胡志偉特別喺佢facebook澄清，話有人用佢個名嘅殘體字開戶，仲貼咗篇叫「覆巢之下 安有完卵」嘅抹黑佔中文章，所以佢不得不澄清；李卓人同八方講，搞佢嗰個魚目混珠facebook假戶口，英文名係用普通話拼音，但八方上去睇嗰陣已經被人刪除。有泛民中人話，唔排除係五毛甚至係大陸安保人員，開呢啲facebook假戶口，一方面放流料，另一方面呃泛民甚至支持佔中市民add佢，再從中收料。