奧斯卡金像影后珍妮花羅倫絲（Jennifer Lawrence）嘅裸照，日前被黑客睇中，盜取佢哋裸照擺埋上網，火速於網上流傳，珍妮花發言人表示已經報警處理。
不過據台灣媒體報道，珍妮花嘅裸照除咗喺網上瘋傳外，令佢嬲到震之外，又傳出要被藝術家拎去公開展覽，想必到時會更加欲哭無淚。據《E!News》網站報道，美國一群藝術家，為咗抗議搜尋引擎Google，將網站所有免費功能整合，等同於使用者資料及喜好全部被掌握，發起咗「恐懼谷歌」（Fear Google）活動，更會展示相關物品，以抗議眾人私隱遭侵犯。
由於近日多位荷李活著名女星艷照外流，而「恐懼谷歌」主辦單位為咗給予大家警示，宣稱會用珍妮花及Kate Upton流出嘅裸照，當成展覽作品向公眾展示；屆時照片將被印喺真人大小嘅畫布上，並唔會做任何多餘改變或加工，以原始狀態出現，不過有網民認為此舉係喺受害女星傷口上灑鹽。