【本報訊】保普選反佔中大聯盟召集人昨大放厥詞，他指本周日到政府總部參加佔中大會人數只有2,640人，顯示佔中大勢已去，質疑佔中能否動員1萬人做「死士」，直指不會帶來「核彈」般影響，揶揄只會如一串炮仗的小眾運動。
周融昨在一個親建制商會午餐會上發言，指中央公佈政改框架後，泛民政黨與佔中開始慢慢分開，因此佔中發起人戴耀廷期望有1萬人參加佔中被捕，再而有5萬、10萬人出來接力如意算盤打不響。
周融續稱今年7.1號稱有51萬人參加，公投有79萬人投票，當中7萬人親自到票站，但本周日出席參加佔中大會，警方稱只有2,640人，「代表正正簽咗名，願意做死士去參加佔中俾人拉，就係2,600人……到時會唔會係核彈，定係一串炮仗？」不過他透露，下周一公佈反佔中新行動。
屈教協向學生洗腦
對於學聯及學民思潮發起學界罷課，周融指教協一班非常激進及前進教師，在過去一年不斷向學生灌輸佔中及公民抗命，「洗腦就係咁樣嚟」。周融質疑參加罷課學生當中有幾多會佔中，「如果呢個大範疇都畀唔到人手，力量唔大。冇人嘅民眾運動係冇乜用」。對於泛民表明會否決政改方案，周融指他們是普選攔路虎，為求私利不想普選，呼籲要在2016年立法會選舉踢走他們，「共產黨畀咗民主香港，泛民主派仲有乜要求？」