左派土共表面上撐狼英，其實背後對佢好多不滿，八方近日同一位傳統左派人士飲下午茶，8月佢有份搞反佔中大龍鳳，交到貨畀阿爺，八方以為佢心情會好好啦，點知一坐底就嚟料，「梁特首好離譜！」呢位左派人士因何事嬲嬲豬呢？佢同八方講，上面出嗰本一國兩制白皮書，係好重要嘅最高指示，泛民批評得越嚴厲尖銳，愛國愛港人士就要越義正詞嚴反駁，不過狼英卻好似冇跟從最高指示，左派人士質疑佢冇落力解畫，「有咩理由要我哋講，佢做特首卻唔使講？」八方記得，狼英其實都有講過白皮書單嘢，之不過冇林新強或各護法咁肉緊，須知道佢民望長期低迷不振，正所謂講多錯多，又點會輕易開口呢？