面對內憂外患嘅亞視，被傳唔再獲六合彩嘅播映權，亞視執行董事葉家寶噚日喺大埔總台出席「2014電視節目欣賞指數調查」祝捷會時闢謠，話嚟緊呢一季嘅賽馬同六合彩都會喺亞視。講到續牌進展，佢話已交晒所需文件，等通訊局審閱。
講番呢個2014欣賞指數調查，佢話10年前《尋找他鄉的故事》攞第一，10年後嘅《滅癌獻愛心報母恩弘大愛祝福大會》又攞第一，證明亞視得到好多市民支持，正如好多人講，「香港怎能冇咗亞洲電視呢？」有人質疑節目收視得1點，佢話：「收視調查歷來都係千古之謎。」可能支持亞視嘅觀眾未喺收視調查嘅覆蓋範圍，導致收視偏低。