神級棟篤笑之王黃子華話過：「你落咗妝我仲認得你，呢啲叫化妝；你落咗妝我唔認得你，呢啲叫喬裝！」究竟一班動主播參賽者進行大變身後，會係「化妝」？定係「喬裝」？
雖然《動主播召喚2014》十位參賽者，位位都靚仔靚女，但要將佢哋打造成為入得錄影廠，出得大會堂嘅專業主播，仲需要一連串嘅改造。頭炮學化妝，由星級化妝導師Will操刀，為五位動主播參賽者（2號Noris、5號Sarah、7號鰻魚、8號Sunny同9號LuLu）進行大變身。為免化妝變喬裝，Will會根據佢哋嘅氣質同五官，重點揀一兩個部位進行改造同升級，令佢哋立即「升呢」！
經過Will目測所見，五位動主播參賽者主播當中，有兩位嘅妝容可以有好大嘅進步空間，唔知係邊兩位呢？2號Noris皮膚白滑細緻、5號Sarah笑得甜有活力、7號鰻魚走開實力派路線、8號Sunny更加係師奶殺手，而9號LuLu鼻高高，鼻高無醜婦喎？實在諗唔到究竟係邊兩位呢？想知就要睇片喇！
而另外五位準主播（1號u.o.G、3號Kinki、4號浩嵐、6號Samuel、10號點點）會跟綠魔學着衫襯衫。想知佢哋會襯到一身綠色咁出返嚟，定係可以即刻成為潮流達人？就一定要跟實《動主播召喚2014》。
不過咪以為裝扮過後，就一定可以「上到台」，過幾日，我哋會安排兩位星級導師，親自調教咁多位參賽者，當中更有兩位參賽者會被叮走！密切留意【動主播決戰】！
特約報道
特別鳴謝：Elite Makeup
【動主播召喚2014】網址： http://anchor2014.appledaily.com