愛港力唔知係咪冇咗淨心BB，連創意都冇埋呢，搞到維穩文宣都要抄人，好唔尊重知識產權囉！浸大社工系二年級生周健華發現，自己一篇po咗上「社工復興運動」facebook專頁嘅文，慘遭愛港力抄襲，大量句子被搬字過紙，仲改寫成相反立場！愛港力篇文作者自稱「林健華」，同樣係浸大社工系二年級生，但其實只係虛構角色，並無其人。
例如，真阿華寫選擇讀社工，係「讓身邊每一位都可以有尊嚴，自由自在地生活」，假阿華就改少少變成「讓每一位香港人都可以有尊嚴，自由自在地生活」；真阿華話「社工更需要走上街頭，需要跟市民接觸，需要為弱勢發聲，為社會變得更加美好、更加可愛而努力」，假阿華copy & paste之餘兼加鹽加醋：「我覺得香港很混亂……迫使我拿起筆，把我選擇要離開『佔中』，回到校園的原因寫出來」，仲話反對戴耀廷云云。