【本報訊】植牙病人以為醫療集團有保證，結果換來一肚氣。有年屆六旬病人在打麻醉針後，模糊間被游說剝牙，事後發炎腫脹和發燒，最終只能將牙釘拆除，留下兩個牙洞。亦有長者裝牙釘後持續麻痹及流出黃色液體，甚至影響血壓高。但這些嚴重個案的醫療報告，事後卻不翼而飛。
事後發炎腫脹無法進食
已屆60歲的吳燕屏，去年6月到健諾，照X光後決定植牙7隻，合共6.73萬元，繳款後至10月始獲安排植牙。吳表示，因前牙醫曾提醒她牙齒「剝一隻少一隻」，故她一直向牙醫張裕龍強調不要剝牙，但於首次付款後卻發現已被收取剝牙費。至首次正式手術前她仍爭取不剝牙，「我直情話唔想剝牙㗎嘛，佢就話植完牙先講啦。當時植牙佢幫我打咗止痛針，麻醉晒啦，咁我冇知覺㗎嘛，後尾整好之後，佢話隻大牙已經剝咗㗎喇」！
僅一星期後其中一顆牙釘已鬆脫，發炎腫脹更還發燒，痛至無法進食，最後張裕龍將兩顆牙釘拆除指她不適合植牙。張建議若她想植牙，可安排另一名專科骨科醫生處理，但收費更昂貴，吳拒絕，餘下的療程未有再進行，但健諾沒有退款。現在餘下兩個牙洞，她連最愛的花生亦難以進食，「可能老人家有錢啲，我覺得佢哋係專去呃呢批人」。